ДУШПАСТЫРСКІЯ АБʼЯВЫ НА XV ЗВЫЧАЙНУЮ НЯДЗЕЛЮ
12.07.2026 г.

1. На працягу тыдня ў буднія дні Св.Імшы будуць цэлебравацца а 08:30 і 18.30. Пасля Св.Імшы а 18:30 – навэнна да Маці Божай Шкаплернай. Запрашаем да супольнай малітвы.

2. На гэтым тыдні а 18:00 гадзіне – адарацыя Найсвяцейшага Сакрамэнта.

– Аўторак, молімся аб дары цвярозасці;

– Чацвер, дзякуем за дар Эўхарыстыі і молімся ў інтэнцыі святароў і аб пакліканнях да Божай службы;

– Пятніца, молімся аб Божай міласэрнасці для нас і ўсяго свету.

3. Касцёл на гэтым тыдні ўспамінае:
– серада – успамін Св.Бонавэнтуры, біскупа і доктара Касцёла;
– чацвер – у нашым ордэне урачыстасць Найсвяцейшай Панны Марыі з гары Кармэль (Маці Божай Шкаплернай). Св.Імшы а 09:00 і 18:30. У вёсцы Свіраны – а 12:00. Сардэчна запрашаем.

4. У наступную нядзелю /19 ліпеня/ – Св.Імшы будуць цэлебравацца а 09:00 і 11:00, а 13:00 – Св.Імшы не будзе. Падчас Св.Імшы ў 11:00 споведзі не будзе.

5. Дзякуем парафіянам, якія на гэтым тыдні прыбіралі ў касцёле. У наступную суботу просім прыйсці прыбіраць касцёл парафіянаў з аг.Нарач, вуліц Піянерская і Партызанская. Вялікая просьба да жыхароў тых вуліц, які прыбіраюць касцёл у суботу, каб таксама падтрымаць парадак на працягу тыдня. Нагадваем, што тыя, хто прыбірае касцёл, маюць абавязак клапаціцца пра кветкі і замену іх на алтарах.

6. Дзякуем тым, хто ахвяраваў кветкі для ўпрыгожання касцёла, а таксама тым, хто склаў ахвяры на касцёл, на дыяцэзіяльныя мэты, на патрэбы парафій на Магілеўшчыне.

7. Айцы кармэліты з Мядзеля і Гудагая запрашаюць прыняць удзел у адпустовых урачыстасцях у гонар Маці Божай Шкаплернай. Праграма ўрачыстасцяў размешчана на дошцы абʼяў.

8. У суботу /18 ліпеня/ з нашай святыні распачнецца мотапрабег у гонар Маці Божай Шкаплернай у Гудагай. Выезд а 15:00 гадзіне. Запрашаем райдэраў да ўдзелу.

9. У панядзелак /13 ліпеня/ у 19:00 запрашаем дзяцей, моладзь, парафіянаў на суботнік, каб навесці парадак вакол касцёла (пачысціць плітку, дагледзіць клумбы і гд) перад прыездам новага пробашча. Спадзяемся на Вашую дапамогу. Просім прынесці з сабой прылады працы (граблі, матычкі, скрабок для чысткі пліткі).

Жадаем Вам радаснай Нядзелі і Божага благаслаўлення на новы тыдзень!