ДУШПАСТЫРСКІЯ АБʼЯВЫ НА XXIII ЗАЫЧАЙНУЮ НЯДЗЕЛЮ
07.09.2025

1. У буднія дні Св.Імшы будуць цэлебравацца ў 08:30 і 18:30. У панядзелак Св.Імшы – а 09:00 і 18:30.

2. Адарацыя Найсвяцейшага Сакрамэнту на гэтым тыдні а 18:00 гадзіне.
– аўторак, молімся аб дары цвярозасці;
– чацвер, дзякуем за дар Эўхарыстыі і молімся за святароў, просячы таксама аб новых пакліканнях да Божай службы;
– пятніца, молімся аб Божай міласэрнасці для нас і ўсяго свету.

3. Касцёл на гэтым тыдні ўспамінае:
– панядзелак – свята Нараджэння Найсвяцейшай Панны Марыі;
– пятніца – успамін Найсвяцейшага Імя Марыі;
– субота – успамін Св.Яна Златавуснага (Хрызастома), біскупа і доктара Касцёла.

4. У наступную нядзелю /14 верасня/ свята Узвышэння Святога Крыжа. Св.Імшы будуць цэлебравацца а 09:00, 11:00 і 13:00. Св.Імша а 13:00 адбудзецца за суполку Св.Монікі, пасля Св.Імшы – спатканне з суполкай.

5. Дзякуем парафіянам, якія на гэтым тыдні прыбіралі ў касцёле. У наступную суботу просім прыйсці прыбіраць касцёл парафіянаў з кп.Нарач вул. Ленінская д.25, 27.
Просьба да тых жыхароў, якія прыбіраюць касцёл у суботу, каб у панядзелак і ў сераду прыйсці падтрымаць парадак. Нагадваем, што тыя, хто прыбірае касцёл, маюць абавязак клапаціцца пра кветкі і замену іх на алтарах.

6. Шчыра дзякуем тым парафіянам, якія ахвяравалі кветкі для ўпрыгожання касцёла, а таксама тым, хто склаў ахвяры на касцёл, тым, хто ахвяраваў нам прадукты.

7. Нагадваем бацькам, што з 1 кастрычніка распачынаецца новы катэхетычны год. Ужо цяпер можна запісваць дзяцей да падрыхтоўкі да Першай Св.Споведзі і Св.Камуніі. Запісацца можна ў Ірыны Амельяновіч +375291078062. Дзеці, якія ў гэтым годзе і мінулым прыступілі да першай Святой Камуніі, маюць абавязак прыходзіць на заняткі рэлігіі. Парадак катэхезы на 2025-2026 будзе змешчаны на дошцы абʼяў, у Інстаграм і на парафіяльным сайце.

Жадаем Вам радаснай Нядзелі і Божага благаслаўлення на новы тыдзень!