29 чэрвеня пасля Святой Імшы ў 12.30 з Нарачы вырушыць ХХІ пешая пілігрымка Нарач-Будслаў.

У Год міласэрнасці агульнай інтэнцыяй нарачанскай пілігрымкі будзе падзяка Усемагутнаму Богу за юбілей 25-годдзя ўтварэння Мінска-Магілёўскай архідыяцэзіі і 115 год з дня пабудовы нарачанскага касцёла. Таксама нарачанцы будуць дзякаваць Богу за асобу кардынала Казіміра Свёнтка, пятая гадавіна смерці якога адзначаецца ў гэтым годзе і які, будучы першым Мітрапалітам, прыклаў шмат намаганняў для станаўлення і развіцця Мінска-Магілёўскай архідыяцэзіі.

Нарачанская пілігрымкка зноў запрашае ўсіх сваіх сяброў, каб разам з Марыяй праслаўляць Усемагутнага Бога за ўсе Яго дабрадзействы.

Па пытаннях запісу ў пілігрымку звяртацца да Шнітоўскай Ірыны:

м. + 375447599118 Velcom; +375295527916 МТС; д. т. 45257

Кошт пілігрымкі 70 000 рублёў. Запіс у пілігрымку да 26 чэрвеня.

Аўтар: Адміністратар