Нарачанцы адзначылі другую гадавіну далучэння да ліку святых Вялікага Папы Яна Паўла ІІ

У нядзелю, 1 мая, у нарачанскай парафіі адбылася Імша-падзяка ў другую гадавіну кананізацыі ВялікагаПапы Яна Паўла ІІ, якую цэлебраваў дапаможны біскуп Мінска-Магілёўскай архідыяцэзіі Аляксандр Яшэўскі.

У гэты дзень у парафіі адбыўся ўжо традыцыйны конкурс выпечкі “папскіх пірожных”. На прыкасцёльнымпляцы нарачанскія гаспадыні віталі біскупа Аляксандра, пачаставаўшы яго сваімі кулінарнымі “шэдэўрамі”.

Перад пачаткам Святой Імшы адбыўся святочны канцэрт гурта “Laudans” у гонар Святога Яна Паўла ІІ. Артысты прадставілі ўвазе нарачанцаў паэтычную спадчыну Святога Яна Паўла ІІ, пакладзеную на музыку.

Падчас гаміліі біскуп Аляксандр звярнуў увагу вернікаў на дзве асобы: Марыі і Яна Паўла ІІ.

Іерарх адзначыў, што Святы Ян Павел ІІ усё сваё жыццё праз дэвіз “TOTUS TUUS” даверыў Марыі. З нагодыпачатку месяца мая біскуп Аляксандр заклікаў вернікаў па прыкладу Святога Яна Паўла ІІ, для якога малітвы ніколі не бывала замнога, збіраючыся ў сямейным коле, у касцёле, ля прыдарожных крыжоў праз малітву сваёжыццё давяраць Богу.

У межах падрыхтоўкі да другой гадавіны кананізацыі Вялікага Папы для вернікаў парафіі быў праведзеныконкурс фотаздымкаў “Міласэрныя, як Айцец”, прысвечаны Божай міласэрнасці. Пасля Святой Імшы біскупАляксандр узнагародзіў удзельнікаў конкурсу выпечкі і фотаконкурсу дыпломамі і падарункамі.

Аўтар: Адміністратар