З малітвай у новы навучальны і катэхетычны год

У нядзелю, 30 жніўня, падчас  Св. Імшы ў 10.30  нарачанцы маліліся ў інтэнцыі дзяцей, моладзі, студэнтаў, настаўнікаў катэхетаў і ўсіх выхавацеляў, просячы Бога аб патрэбных ласках у новым навучальным і катэхетычным годзе.

Святая Імша перад пачаткам новага навучальнага і катэхетычнага года стала ў Нарачы ўжо добрай традыцыяй.

На пярэдадні гэтай Святой Імшы адбываецца споведзь для для вучняў, студэнтаў, настаўнікаў, выхавацеляў, каб і тыя, хто вучыць, і тыя, хто вучыцца, маглі з чыстым сэрцам распачаць навучанне.

І калі вучні старэйшых класаў ідуць у гэты дзень у касцёл толькі з дзённікам, то першакласнікі горда нясуць партфель, часта згінаючыся пад яго цяжарам.

Вось і ў гэтым годзе не маглі не выклікаць усмешку радасці ў дарослых паднятыя высока ўгору дзённікі для благаслаўлення.

Пасля Святой Імшы кожны вучань, студэнт і настаўнік атрымаў асабістае благаслаўленне і невялікі падарунак, каб з добрым настроем вярнуцца дадому і праз некалькі дзён з Божым благаслаўленнем распачаць новы навучальны і катэхетычны год.

Аўтар: Адміністратар