Нарачанскі касцёл вітаў удзельнікаў рэспубліканскага фестывалю “Пеўчае поле”

11 ліпеня касцёл Святога Апостала Андрэя ў Нарачы вітаў удзельнікаў рэспубліканскага фестывалю харавога мастацтва “Пеўчае поле”.

Арганізатарамі фестывалю было прынята рашэннне конкурсную  праграму для  акадэмічных вакальна-харавых калектываў абласцей Рэспублікіправесці ў нарачанскім касцёле.

11 калектываў з Глыбокага, Дзяржынска, Касцюковічаў, Барысава, Карэлічаў, Капыля, Лепеля, Мастоў і іншых гарадоў Беларусі прадставілі ўвазе журы і гледачоў рэлігійныя, народныя і лірычныя творы. Пад скляпеннямі нарачанскага храма спевы ўдзельнікаў конкурсу гучалі асабліва ўзнёсла і прыгожа.

Для вернікаў нарачанскай парафіі фестываль стаў сапраўдным святам праслаўлення Бога праз мастацтва.

Аўтар: Адміністратар