Наш добры дзядуля, або Жыццё кардынала Казіміра Свёнтка вачыма дзяцей нарачанскай парафіі

У нарачанскай парафіі завяршыўся конкурс малюнкаў для дзяцей і моладзі “Наш добры дзядуля”, прысвечаны 100-годдзю кардынала Казіміра Свёнтка.

Перад правядзеннем конкурсу для малодшага пакалення парафіі былі праведзены катэхэзы, падчас якіх дзецей пазнаёмілі з самымі цікавымі і лёсавызначальнымі момантамі дзяцінства, юнацтва і пастырскага служэння кардынала Свёнтка. Маладым нарачанцам расказалі пра сяброўства Кардынала з моладдзю парафіі і заахвоцілі браць прыклад з ахвярнага пастыра, які ўсё сваё жыццё цалкам даверыў Богу.

Зараз малюнкі маладых нарачанскіх мастакоў экспануюцца ў касцёле, а іх саміх чакаюць дыпломы і прызы.

Аўтар: Адміністратар