Дзень нараджэння парафіяльнага сайта

11 мая наш парафіяльны сайт адзначыў свой сямнаццаты дзень нараджэння.

Першая тэставая старонка была размешчана па адрасе naracz.narod.ru, і выглядала так:

У такім выглядзе сайт праіснаваў нядоўга і быў перапрацаваны да больш успрымальнага на вока стылю:

Крыху пазней старонка на доўгі час была па адрасе: naracz.na.by, дзе рэгулярна пачалі размяшчацца апошнія падзеі з жыцця парафіі. Парафіяльная старонка некалькі разоў мяняла свой знешні выгляд.

Апошні канчатковы пераезд на сталы адрас naracz.by адбыўся на Божае Нараджэнне 2017 года. Пераезд быў абумоўлены няздольнасцю хостынга na.by тэхнічна падтрымліваць сайт, а пазней закрыццём хостынгу.

Няверыцца, што прайшло ўжо сямнаццаць год с таго моманту, як наша парафіяльная старонка заняла сваё месца ў Інтэрнэце і дагэтуль старонку наведваюць не толькі з Беларусі, але ёсць наведвальнікі з Расіі, Польшчы і нават з ЗША і Канады.

“Ідэя прыйшла да мяне спантанна.” – расказвае стваральнік і адміністратар сайта Леанід Сухі. “У той час мяне зацікавіла вэб-праграмаванне, але я ня ведаў, што можна цікавага стварыць. Увыніку прыйшло, быццам азарэнне – а чаму б не стварыць сайт пра касцёл. У касцёле былі аб’явы, але некаторыя важныя выляцелі з галавы, а было б вельмі добра, каб аб’явы можна было паглядзець у інтэрнэце. За некалькі гадзін была зроблена першая старонка, але з вельмі нечытальным дызайнам. Крыху пазней старонка змянілася на нешта больш-менш падобнае на сайт-візітку, сайт пачаў папаўняца інфармацыяй.”

На сённяшні дзень сайт падтрымліаваецца намаганнямі стваральніка і нязменнага адміністратара сайта Леаніда Сухога, а таксама дзякуючы падтрымцы а. Паўла Леліта і Кацярыны Лукашэвіч.

Спадзяёмся, што і надалей сайт будзе адпавядаць патрабаванням часу і будзе мець не толькі сваіх наведвальнікаў, але і прыхільнікаў.

: Адміністратар