У нарачанскай парафіі аб’яўлена акцыя “Мой каменьчык для рэстаўрацыі Мядзельскай Кальварыі”.

Вернікам прапанавана прынесці хоць адзін каменьчык на рэстаўрацыю Мядзельскай Кальварыі і пакласці яго ў вызначанае месца. Калі камянёў збярэцца дастатковая колькасць, яны будуць перавезены ў Мядзел.

Нарачанцы ўжо маюць такі вопыт збірання камянёў. З каменьчыкаў, прынесеных вернікамі, да 100-годдзя кансэкрацыі касцёла на прыкасцёльным пляцы быў пабудаваны грот Божай Маці, які ў 2004 годзе асвяціў святой памяці кардынал Казімір Свёнтак.

: Адміністратар