Дарагія Парафіяне!
Браты і сёстры!

Рэдка прыходзіцца Вам атрымоўваць лісты ад святара. Часцей прыходзіцца звяртацца да Вас з касцёльнай амбоны прамаўляючы казанне або парафіяльныя аб’явы.
Аднак важнасць падзей, якія нас чакаюць, заклікае да таго, каб запісаныя на паперу словы пробашча прагучалі ў кожнай хаце і кватэры нашай Парафіі. Прашу вас прыслухацца да гэтых слоў і прыняць іх блізка да сэрца.
Ужо неўзабаве 13 лістапада 2022 года ў нашай Парафіі пачнуцца Святыя Місіі. Што гэта такое?
Мы прывыклі да таго, што перад вялікімі святамі нашай веры Касцёл праводзіць рэкалекцыі, дні, у якія з дапамогай спецыяльных казанняў і набажэнстваў хрысціянскія душы прыгатоўваюцца да таго, каб велічна і з чыстым сэрцам святкаваць Вялікдзень або Божае Нараджэнне. Аднак гэтага мала. Раз на 10 год кожная Парафія павінна перажыць кароткія рэкалекцыі, а праз цэлы тыдзень, дзень у дзень ахвяраваць свой час, сваю ўвагу і засяроджанасць Божаму Слову – гэта і ёсць Святыя Місіі.
Святыя Місіі – гэта прысутнасць Божага Слова сярод нас. Цэлы тыдзень, ад 13-га да 20-га лістапада ў нашым касцёле будуць праходзіць адмысловыя набажэнствы, Святыя Імшы, катэхезы. Некаторыя з іх адрасаваны ўсёй Парафіі, некаторыя – асобным групам, напрыклад моладзі або дзецям. Прыйдзецца выйсці і па-за касцёльныя сцены: пройдзем Крыжовым шляхам па вуліцах нашага аграгарадка.
Кожны з нас вырашае за сябе: адкрыць сваю душу на Святло Божага Слова ці праседзець гэтыя святыя дні ў хаце. Кажуць той, хто хоча – знойдзе хоць адну магчымасць, а не хоча – тысячу адгаворак. Раз на 10 год – ці хопіць у нас сілы духа і любові да Бога, каб кожны місійны дзень удзельнічаць у набажэнствах і заслужыць ласку поўнага адпуста?
Прашу Вас, прылажыце ўсе магчымыя намаганні, адпрошвайцеся раней з працы, звальняйце са школы дзяцей, прывозьце старэйшых і хворых машынамі, прыпамінайце адзін аднаму: час кароткі, а вечнасць доўгая. Як не змарнаваць магчымасці, кія нам дае Бог? Як выстаяць і не паддацца моцы злога? Як заслужыць вечнае збаўленне?

Сустрэнемся на Святых Місіях!

Надзеля /13 лістапада 2022 г./ Пачатак Святых Місій

“БОГ ЁСЦЬ ЛЮБОЎ”

09:00 – Св. Імша з навукай місійнай

11:00 – Св. Імша з навукай місійнай

Пасля Св. Імшы – Катэхеза для бацькоў

13:00 – Св. Імша з навукай місійнай

15:00 – Свіраны

17:00 – Вярэнькі

Панядзелак /14 лістапада 2022 г./

“НАШАЕ ЗБАЎЛЕННЕ Ў ЕЗУСЕ ХРЫСЦЕ”

09:00 – Св. Імша з навукай місійнай

17:00 – Спатканне для дзяцей (1-7 класы)

18:30 – Св. Імша з навукай місійнай.

Пасля Св. Імшы – Крыжовы Шлях па вуліцах Парафіі

Аўторак /15 лістапада 2022 г./

“ВЕРА І НАВЯРТАННЕ”

09:00 – Пакутнае набажэнства

17:00 – Спатканне для дзяцей (1-7 класы)

18:30 – Пакутнае набажэнства

21:00 – Марыйны Заклік

Серада /16 лістапада 2022 г./ Дзень Споведзі

“КАЛІ ЧАЛАВЕК ПАМІРАЕ”

08:00 – Святая Споведзь

09:00 – Св. Імша з навукай місійнай

17:30 – Святая Споведзь

18:30 – Св. Імша з навукай місійнай

21:00 – Марыйны заклік

Чацвер /17 лістапада 2022 г./

“ЕЗУС – МОЙ ПАН”

09:00 – Св. Імша з навукай місійнай

Адарацыя Крыжа

18:30 – Св. Імша з навукай місійнай

Адарацыя Крыжа

Пасля Св. Імшы – Спатканне для моладзі

21:00 – Марыйны заклік

Пятніца /18 лістапада 2022 г./

“ДЗЕНЬ СЯМ’І”

09:00 – Св. Імша з навукай місійнай

Аднаўленне сужэнскіх абяцанняў

18:30 – Св. Імша з навукай місійнай

Аднаўленне сужэнскіх абяцанняў

Субота /19 лістапада 2022 г./

“ВОСЬ МАЦІ ТВАЯ”

09:00 – Св. Імша з навукай місійнай

Намашчэнне хворых

13:00 – Св. Імша з благаслаўленнем дзяцей і маці ў благаслаўлёным стане

18:30 – Св. Імша з навукай місійнай

Прысвячэнне Парафіі Маці Божай

Пасля Св. Імшы – Спатканне для моладзі

21:00 – Марыйны заклік

Нядзеля /20 лістапада 2022 г./ Заканчэнне Святых Місій

“БУДЗЬЦЕ СВЕДКАМІ”

09:00 – Св. Імша з навукай місійнай

11:00 – Свіраны і Вярэнькі

13:00 – Св. Імша з навукай місійнай.

Умацаванне памятнай таблічкі.

Благаслаўленне з поўным адпустам.

Шчыра запрашаем да штодённага ўдзелу ў набажэствах і да Сакрамэнту Споведзі

Св. Місіі вядуць Айцы Рэдэмптарысты

ЕЗУС ХРЫСТУС ТОЙ САМЫ ЎЧОРА, І СЁННЯ, І НАВЕКІ!

Аўтар: Адміністратар