Благаслаўлёны Ян Павел ІІ, маліся за нас!

Сёння ў нашай парафіі завяршылася святкаванне Дзён падзякі за беатыфікацыю Слугі Божага Яна Паўла ІІ.

На працягу трох дзён вернікам нашай парафіі была прапанавана духоўна-культурная праграма, з дапамогай якой нарачанцы яшчэ больш адкрылі для сябе асобу Вялікага Папы.

Радасць святкавання Дзён падзякі з намі раздзялілі айцы-кармэліты з суседніх парафій: а. Андрэй Авен OCD і а. Юрый Кулай OCD, якія ў сваіх казаннях зрабілі акцэнт на тое, што Благаслаўлёны Ян Павел ІІ быў  чалавекам малітвы і шанавальнікам Марыі.

Завяршаўся кожны дзень падзякі малітвай ля помніка Благаслаўлёнаму Яну Паўлу ІІ і ўжо традыцыйным спевам “Barka”.

Аўтар: Адміністратар