Да 585-годдзя пабудовы першага драўлянага касцёла і 115-годдзя кансэкрацыі цяперашняй святыні ў Нарачы будзе праводзіцца конкурс відэаролікаў “Гісторыя нарачанскай парафіі вачыма вернікаў”.

Што трэба зрабіць, каб стаць удзельнікам конкурсу?

Напэўна, у кожнага з вас ёсць прабабулі, прадзядулі, бабулі, дзядулі, мамы, таты, суседзі і знаёмыя, якія могуць шмат расказаць пра гісторыю нарачанскай парафіі, асабліва пра мінулыя, даўнейшыя часы.

Бярыце ў рукі смартфон і здымайце гэтых людзей. Няхай яны раскажуць, чым і як жыла наша парафія раней. Магчыма, вам удасца даведацца яшчэ невядомыя факты з жыцця нарачанскай парафіі.

На конкурс прымаюцца відэаролікі даўжынёй 1-2 хвіліны.

У пачатку роліка той, каго здымаюць, павінен сказаць сваё прозвішча, імя і месца жыхарства.

У роліку трэба асвятліць эпізод, звязаны з гісторыяй касцёла ці парафіі.

Відэаролік неабходна выслаць на вайбер:

+375295527916 (Ірына Антонаўна)

Конкурсныя работы будуць прымацца да 15 жніўня. Пасля яны будуць размешчаны на парафіяльным сайце для прагляду.

 Усе ўдзельнікі конкурсу 18 жніўня з рук мітрапаліта Тадэвуша Кандрусевіча атрымаюць прызы.

За тры самыя цікавыя, пазнавальныя і крэатыўныя ролікі ўдзельнікі атрымаюць суперпрызы.

Аўтар: Ірына Шнітоўская