У Нарачы рыхтуюцца адзначыць 5 гадавіну кананізацыі Святога Яна Паўла ІІ
У нядзелю, 5 мая, у нарачанскай парафіі будзе адзначацца 5 гадавіна кананізацыі Вялікага Папы Яна Паўла ІІ.
Святую Імшу ў гэты дзень у Нарачы ўзначаліць Апостальскі Нунцый у Беларусі арцыбіскуп Габар Пінтэр.
У праграме святкавання традыцыйны конкурс выпечкі “папскіх крэмувэк” і канцэрт гурта “Подых Духа”.
Нарачанскія дзеці і моладзь таксама рыхтуюцца да гэтай падзеі праз удзел у танцавальным фішмобе ў гонар Святога Яна Паўла ІІ і конкурсе малюнкаў “Сям’я – крыніца радасці і надзеі моладзі”.
Аўтар: Ірына Шнітоўская