Вернікі нарачанскай парафіі рыхтуюцца адзначыць 500-годдзе Святой Тэрэзы Авільскай, якое прыпадае на 28 сакавіка 2015 года.

Падрыхтоўка да гэтай урачыстаці ў парафіі пачалася ўжо ў мінулым годзе, калі для моладзі былі праведзены спецыяльныя катэхэзы і  дэканальны конкурс ведаў пра жыццё і навучанне Святой Тэрэзы “Дастаткова толькі Бога”, у якім прынялі ўдзел 104 чалавекі.

Зараз у праграме падрыхтоўкі да ўрачыстаці запланаваны катэхэзы і конкурс малюнкаў “Я хачу ўбачыць Бога!” для дзяцей парафіі. Для моладзі парафіі плануецца правесці конкурс біблійных ведаў, які будзе прымеркаваны да 500-годдзя з дня нараджэння Святой Тэрэзы.

28 сакавіка ў дзень нараджэння вялікай іспанскай містычкі ў нарачанскім касцёле будзе цэлебравацца Святая Імша  ў гонар Святой Тэрэзы Авільскай з казаннем пра жыццё і дзейнасць рэфарматаркі кармэлітанскага ордэна.

Аўтар: Адміністратар