30 лістапада ў нашай парафіі ўрачыста адзначалі ўспамін Святога Апостала Андрэя, імя якога носіць наш касцёл.

На Святой Імшы прысутнічалі святары з суседніх парафій, айцы-кармэліты, якія прыехалі на свята з розных куткоў Беларусі, вернікі нашай парафіі, госці,а таксама шмат дзяцей і моладзі.

Гамілію прамовіў а.Юрый Кулай OCD,  які звярнуў увагу на жыццё Святога Апостала Андрэя і заахвоціў вернікаў у штодзённым жыцці браць прыклад з гэтага Святога.

Ужо стала добрай традыцыяй, што напрыканцы Святой Імшы старэйшыя парафіяне і моладзь павіншавалі з Днём імянінаў а. Андрэя Авена OCD і бр. Андрэя Журко OCD з Мядзела, пажадаўшы ім быць падобнымі на люстэрка, каб несці людзям адлюстраванне аблічча Езуса Хрыста.

Аўтар: Адміністратар